الدنيا حالها كده ومفيش الم بيدوم

السلام عليكم ورحمة الله وبركاته

بكره الحياه تبتسم واضحك لها تانى

والمر ح بدله بالحلو فى لسانى

وارمى حمول الالم واقول لاحزانى

انا اللى كاسى اتملى منك وفضيته

والقلب لما اشتكى بالصبر وضيته

ودموعى متحجره والعزه واخدانى

وحشتنى بسمة شفايف طالعه من قلبى

للناس تبان ضحكتى والهم متخبى

واضحك فى عز الالم والقلب متعبى

اخاف تبان ذلتى واضعف امام الناس

يزودو لوعتى ويعبو تانى الكاس

وانا اللى كاس اللالم فى حضنى متربى

لولا الامل ماارتوى قلبى اللى عاش محروم

صابر على قسمتى عشان يجينى النوم

واضحك واقول يازمن مين السعيد فى القوم

كل القلوب اشتكت مش بس انا وحدى

هموم ومتقسمه ومسيرها هاتعدى

والدنيا حالها كده ومفيش الم بيدوم

الصقر ...~

دوم مبدع في طرحك وذوقكـ..~

لا عدمناك..~
\

مشكوره على المرور الراااائع

» الدنيا علبة ألوان ....
» أحس الدنيا تضحك لي وداعآ ياالأحزااان
» بأي عين ترى الدنيا ... بعين ذبابة أم بعين نحلة ؟!!